Ռուսաստանը չի խոչընդոտի Վիեննայի բանակցությունների արդյունքում համաձայնագրի կնքմանը. Իրանի ԱԳՆ
Իրանի ԱԳ նախարար Հոսեյն Ամիր Աբդոլլահիանը հայտարարել է, որ Իրանը եւ Ռուսաստանը պայմանավորվել են, որ Ռուսաստանը չի խոչընդոտի Վիեննայում ընթացող բանակցություններում համաձայնության կնքմանը, հայտնում է Mehr-ը:
«Մենք, իհարկե, ցանկանում ենք, որ պատժամիջոցները չեղարկվեն, սակայն արժանապատվորեն եւ կայունությամբ»,- ասել է նախարարը՝ հավելելով, որ Իրանի նախագահ Էբրահին Ռայիսին, սակայն, նախարարների հետ հանդիպումներում միշտ ընդգծել է, որ հիմնական ուշադրությունը պետք է կենտրոնացվի ոչ թե Վիեննայի վրա, այն բանի, որ «երկրում բոլոր ինստիտուտներն աշխատեն պատժամիջոցների չեզոքացման եւ տնտեսության ու առեւտրի կայուն զարգացման ուղղությամբ»:
«Անհրաժեշտ էր ժամանակավորապես դադարեցնել բանակցությունները, քանի որ մենք շատ էինք մոտեցել տեխնիկական հարցերի շուրջ համաձայնությանը երեք եվրոպական երկրի հետ»,- ասել է իրանցի նախարարը՝ խոսելով Վիեննայի բանակցությունների մասին: «Միեւնույն ժամանակ մենք բախվել ենք Ուկրաինայում պատերազմին եւ ճգնաժամին: Թեեւ Իրանի Իսլամական Հանրապետությունն իրականում ամենաբարձր մակարդակով իր անհամաձայնությունն է հայտնել Ուկրաինայում, Եմենում, Աֆղանստանում կամ ցանկացած այլ երկրում պատերազմին, մենք անհամաձայնություն ենք հայտնել նաեւ միակողմանի պատժամիջոցների սահմանմանը»,- հավելել է Աբդոլլահիանը:
«Մոսկվա մեկնելուց առաջ ես հեռախոսով խոսել եմ Ուկրաինայի ԱԳ նախարարի հետ, եւ մենք Ռուսաստանում մեր ընկերներին ենք փոխանցել Ուկրաինայի ԱԳ նախարարի ուղերձն այն մասին, որ նրանք ցանկանում են, որ պատերազմն ավարտվի, իսկ բանակցությունները շարունակվեն»,- հայտնել է նա:
«Արեւմուտքը հայտնել է մեզ որ Ուկրաինայում պատերազմի մեկնարկից ի վեր իրավիճակն այնպիսին է, որ եթե նույնիսկ համաձայնության հասնենք Վիեննայում, Ռուսաստանը չի գնա այդ համաձայնագրի ստորագրման: Լավրովի հետ հեռախոսազրույցի եւ Մոսկվա կատարած իմ այցի ժամանակ մենք շատ հստակ եւ թափանցիկ բանակցություններ ենք վարել: Ռուսական կողմի հետ մեր պայմանավորվածությունն այն է, որ եթե մեր «կարմիր գծերն» ամբողջությամբ պահպանվեն, եւ մենք Վիեննայում համաձայնության գանք պատժամիջոցների չեղարկման մասին, Ռուսաստանը չի խոչընդոտի համաձայնագրի կնքմանը»,- ասել է Իրանի ԱԳ նախարարը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...