«Ռեալի» ֆանատները սուլել են Բեյլին, Անչելոտին կարեւորել է երկրպագուների դերը

Մադրիդի «Ռեալի» ֆանատները տնային հանդիպման ժամանակ սուլել են ուելսցի հարձակվող Գարեթ Բեյլին, որը փոխարինման էր դուրս եկել «Խետաֆեի» դեմ Իսպանիայի առաջնության 31-րդ տուրի մրցախաղի (2։0) վերջնամասում։ Արայական թիմի իտալացի գլխավոր մարզիչ Կառլո Անչելոտին չի դատապարտել երեւույթը։ Բեյլը ամռանը կհեռանա «Ռեալից»։

«Բեյլի հասցեին հնչեցին սուլոցներ, բայց նա լուրջ պրոֆեսիոնալ է։ Եթե նա լավ մարզավիճակում է, կարող է խաղալ։ Երկրպագուները շատ կարեւոր են։ Մենք դա տեսանք ՊՍԺ-ի դեմ պատասխան խաղում։

Մենք հիմա մոտ ենք տիտղոսին, բայց դեռ երկու արտագնա հանդիպում ունենք «Սեւիլիայի» եւ «Օսասունայի» հետ»,- Անչելոտիի խոսքը մեջբերում է Marca-ն։

31 խաղից հետո «Ռեալը» 72 միավորով գլխավորում է մրցաշարային աղյուսակը։ Երկրորդ տեղում ընթացող «Սեւիլիան» հետ է 12 միավոր։