Դանի Ալվես․ «Բարսելոնայում» իմ ապագայի վերաբերյալ դեռ ոչ ոք չի խոսել ինձ հետ

«Բարսելոնայի» 38-ամյա պաշտպան Դանի Ալվեսը խոսել է կատալոնական ակումբում իր ապագայի մասին։

«Դեռ ոչ ոք չի խոսել ինձ հետ ակումբում իմ ապագայի, նոր պայմանագրի մասին։ Ոչ միայն երիտասարդները, այլեւ տարեց ֆուտբոլիստները պետք է ապացուցեն, որ արժանի են ներկայացնել «Բարսելոնան»։ Բանակցություններ դեռ չեմ ունեցել»,- Ալվեսի խոսքը մեջբերում է Mundo Deportivo-ն։

Բրազիլացի ֆուտբոլիստի պայմանագիրը կատալոնական ակումբի հետ նախատեսված է մինչեւ այս մրցաշրջանի ավարտը։ Ալվեսը Չավիի գլխավորած թիմի հետ այս մրցաշրջանում մասնակցել է 10 հանդիպման, խփել 1 գոլ, կատարել 3 գոլային փոխանցում։