«Այաքսի» ֆուտբոլիստը կարիերան կշարունակի «Բավարիայում»

Ամստերդամի «Այաքսի» մարոկկացի պաշտպան Նուսայր Մազրաուին կարիերան կշարունակի Գերմանիայի չեմպիոն Մյունխենի «Բավարիայում»։

Հունիսին կավարտվի նրա պայմանագիրը հոլնդական ակումբի հետ եւ 24-ամյա ֆուտբոլիստն անվճար կմիանա «Բավարիային», որի հետ կկնքի 4 տարվա պայմանագիր, հաղորդում է twitter.com/NicoSchira-ն։ Մազրաուին կստանա տարեկան 4 միլիոն եվրո աշխատավարձ։

Մարոկկոյի հավաքականի ֆուտբոլիստը 2018 թվականից է հանդես գալիս «Այաքսի» գլխավոր թիմում։ Նիդեռլանդների ընթացիկ առաջնությունում նա մասնակցել է 23 հանդիպման, խփել 5 գոլ, կատարել 2 գոլային փոխանցում։