Կիեւի «Դինամոն» կխաղա «Բարսելոնայի», ՊՍԺ-ի, «Միլանի» եւ այլ ակումբների հետ

Կիեւի «Դինամոն» ապրիլից մինչեւ հունիս Եվրոպայի առաջատար ակումբների հետ կանցկացնի ընկերական հանդիպումներ Match for Peace! Stop the War! կարգախոսով։ Հանդիպումները կհեռարձակվեն ուկրաինական եւ եվրոպական հեռուստաալիքներով։

«Դինամոն» կխաղա «Բարսելոնայի», «Միլանի», ՊՍԺ-ի, Դորտմունդի «Բորուսիայի», Բուխարեստի «Ստյաուայի», Վարշավայի «Լեգիայի», Լիսաբոնի «Բենֆիկայի» եւ «Սպորտինգի», Ամստերդամի «Այաքսի», շվեյցարական «Բազելի» հետ։

Հանդիպումների նպատակը միջազգային հանրությանը Ուկրաինայում շարունակվող ռուսական ագրեսիայի հետեւանքների մասին տեղեկացումն է եւ պատերազմի հետեւանքով տուժածներին օգնության համար միջոցների հանգանակություն։