Կադիրովը կոչ է արել ԱՄՆ-ին մեծացնել զենքի մատակարարումն Ուկրաինային

Չեչնիայի ղեկավար Ռամզան Կադիրովն ԱՄՆ-ին կոչ է արել մեծացնել զենքի, հատկապես Javelin ՀՏԿՀ-ի մատակարարումներն Ուկրաինային:

«Մենք Բայդենից պահանջում ենք ավելացնել «Ջավելիններ»-ի մատակարարումները։ Ես պատրաստ եմ անձամբ պարգեւատրել ծերուկին ռուսական հատուկ օպերացիային ցուցաբերած ակտիվ աջակցության համար»,- գրել է Կադիրովը Telegram-ի իր ալիքում։

Նրա խոսքով՝ չեչեն մարտիկները 24/7 ռեժիմով զբաղված են «Մարիուպոլում բանդերական եւ ազգայնական չար ոգիների որոնումով եւ ոչնչացմամբ»: «Այդ խնդիրը նրանց համար մեծապես հեեշտացնում է պարոն Բայդենը, ով մեր մարտիկներին ապահովում է ժամանակակից ամերիկյան զենքերով։ Տղաներին հատկապես դուր կգա Javelin ՀՏԿՀ-ն, որը կրկնակի արդյունավետություն ունի։ Այս արժեքավոր ավարը չտալու համար ազգայնականները սովորաբար երկու-երեք մարդու կյանք են զոհաբերում։ Եւ հետո արդեն մեր մարտիկները դրանից բանդերականների մի ամբողջ անձնակազմ են ոչնչացնում»: