Ռոնալդուն դեռ չի որոշել, թե որ թիմում է խաղալու հաջորդ մրցաշրջանում

Անգլիական «Մանչեսթեր Յունայթեդի» եւ Պորտուգալիայի հավաքականի 37-ամյա հարձակվող Կրիշտիանու Ռոնալդուն դեռ չի որոշել, թե որ ակումբում է հանդես գալու հաջորդ մրցաշրջանում, հաղորդում է ESPN-ը։

Նրա պայմանագիրը մանչեսթերյան ակումբի հետ նախատեսված է մինչեւ հաջորդ մրցաշրջանի ավարտը, սակայն Ռոնալդուն ցանկանում է խաղալ Չեմպիոնների լիգայում, իսկ գերմանացի Ռալֆ Ռանգնիկի գլխավորած թիմը Պրեմիեր լիգայի 29 խաղից հետո 50 միավորով 6-րդն է։

Անգլիայի ընթացիկ առաջնությունում Ռոնալդուն մասնակցել է 24 հանդիպման, խփել 12 գոլ, կատարել 3 գոլային փոխանցում։