Մանչինին 8-րդ անգամ արժանացավ «Ոսկե գետակինճ» հակամրցանակին

Ֆուտբոլի Իտալիայի հավաքականի գլխավոր մարզիչ Ռոբերտո Մանչինին աշխարհի առաջնության եզրափակիչ մրցաշարի ուղեգիր չնվաճելու համար արժանացել է «Ոսկե գետակինճ» հակամրցանակին, հաղորդում է ansa.it-ը։

Ընտրական փուլի փլեյ-օֆֆի կիսաեզրափակիչում Իտալիայի հավաքականը 0։1 հաշվով պարտվել էր Հյուսիսային Մակեդոնիային։

Իտալական հեռուստաալիքների «Ոսկե գետակինճ» մրցանակին 57-ամյա մասնագետն արժանացավ 8-րդ անգամ։ Այն շնորհվոմ է խոշոր ձախողումների համար։