1 օրում 3 վթար երթուղայինների մասնակցությամբ. ինչ մեքենաներով է քաղաքապետարանը սպասարկում
Երևանի քաղաքապետարանի տրանսպորտի վարչության պետ Հենրիկ Նավասարդյանը վստահեցնում է, որ վերջին օրերին մայրաքաղաքում վթարված երթուղային տաքսիներն ու ավտոբուսը տեխնիկապես սարքին են եղել:
«Երեկ չգիտես ինչու՝ բավականին շատ վթարներ եղան, ոչ միայն երթուղայիններ, այլեւ մարդատար շատ մեքենաներ են բախվել: Կոնկրետ վթարված երթուղայինները տեխնիկապես սարքին են եղել, օրինակ, թիվ 37 երթուղային տաքսիին հետեւից են հարվածել»,- NEWS.am-ի հետ զրույցում ասաց Հենրիկ Նավասարդյանը:
Այլ հարցերի համար Նավասարդյանը հորդորեց գրավոր դիմել:
Նշենք, որ սեպտեմբերի 21-ին երեկոյան Մալաթիա-Սեբաստիա վարչական շրջանում՝ Շերամի փողոցում, թիվ 35 երթուղին սպասարկող Higer մակնիշի 4461 Տ համարանիշի ավտոմեքենայի վարորդը դուրս էր եկել ճանապարհի երթեւեկելի գոտուց եւ բախվել բետոնե պատին: Վթարի հետեւանքով 10 անձ մարմնական վնասվածքներով տեղափոխվել են հիվանդանոցներ:
Սեպտեմբերի 22-ին երեկոյան արդեն Ծիծեռնակաբերդի խճուղում բախվել էին Opel մակնիշի և թիվ 37 երթուղին սպասարկող Газель մակնիշի ավտոմեքենաները: «Օպել»-ի վարորդը և «ԳԱԶել»-ի 7 ուղևորները մարմնական վնասվածքներով տեղափոխվել են հիվանդանոց:
Նույն օրը Երևանի Արշակունյաց պողոտայի և Ներքին Շենգավիթի 15-րդ փողոցի խաչմերուկում թիվ 1 երթուղին սպասարկող «ԳԱԶել» մակնիշի ավտոմեքենան բախվել էր «Սկանիա» մակնիշի աղբատար ավտոմեքենային: «ԳԱԶել»-ի վարորդը և 4 ուղևորները մարմնական վնասվածքներով տեղափոխվել են հիվանդանոց:
Ստացվում է՝ 1 օրում 3 վթար, 23 վիրավոր:


















































ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ