ԵԱՀԿ Խորհրդարանական վեհաժողովի հատուկ ներկայացուցիչը կայցելի Հայաստան
Հարավային Կովկասում ԵԱՀԿ Խորհրդարանական վեհաժողովի հատուկ ներկայացուցիչ Քրիստիան Վիգենինը (Բուլղարիա) սեպտեմբերի 24-30-ը կայցելի Ադրբեջան, Վրաստան և Հայաստան: Ինչպես հաղորդում է «Արմենպրեսը», այս մասին հայտնում է ԵԱՀԿ ԽՎ պաշտոնական կայքը:
Վիգենինը Հարավային Կովկասի երկրներում հանդիպելու է կառավարության պաշտոնյաների, խորհրդարանական առաջնորդների և քաղաքացիական հասարակության ներկայացուցիչների հետ: Բացի այդ, նա խոսելու է այն ազդեցությունների մասին, որ ձգձգված հակամարտությունները գործում են տարածաշրջանի բնակիչների վրա:
«Չափազանց հեշտ է խառնվել հրադադարի ռեժիմի խախտումների վիճակագրության մեջ: Տարածաշրջանի բնակիչների համար սրանք ոչ թե աբստրակտ հասկացություններ են, այլ իրական ազդեցություն նրանց բարեկեցության վրա: Հուսով եմ, որ կկարողանամ ավելի մեծ ուշադրություն հրավիրել մարդկային կյանքերի վրա ազդեցություն թողած ձգձգված հակամարտությունների վրա»,- ասել է Վիգենինը:
Քրիստիան Վիգենինը Հարավային Կովկասում ԵԱՀԿ Խորհրդարանական վեհաժողովի հատուկ ներկայացուցչի պաշտոնում է նշանակվել 2016 թվականի փետրվարին:
Պաշտոնանկություն՝ Ռուբեն Ռուբինյանի կարգադրությամբ
Վոլեյբոլի Եվրոպայի Մ20 տղաների առաջնության առաջին փուլը կանցկացվի Երևանում
Գրունիսը մահացել է՝ «կատարելով իր պարտքը»
Ֆուտզալ․ Մոլդովա-Հայաստան հանդիպումն ավարտվեց ոչ-ոքի
ՀՀ տարածքում ավտոճանապարհներն անցանելի են
Ֆիդանն և Բայրամովը քննարկել են Հայաստան-Ադրբեջան կարգավորման ուղղությամբ վերջին մեկ տարում արձանագրվ...
Հայաստանի Օքսֆորդի շրջանավարտների բիզնես ակումբ
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Վեներա մոլորակը լավ տեսանելի կլինի առավոտյան երկնքում
ՀՀ ԱԺ իններորդ գումարման երկրորդ նստաշրջանի հերթական նիստ 16.09.2026