Ռաֆայել Նադալը կոտրվածք է ստացել

«Մեծ սաղավարտի» մրցաշարերի 21-ակի հաղթող Ռաֆայել Նադալը կողոսկրի կոտրվածք է ստացել, հաղորդում է իսպանական Marca-ն։

Իսպանացի թենիսիստը վնասվածքը ստացել էր ԱՄՆ-ի Ինդիան Ուելս քաղաքում անցկացված «Մասթերս» մրցաշարի եզրափակիչում։ Ապաքինման եւ կորտ վերադառնալու համար կպահանջվի մոտ 6 շաբաթ։ Նա բաց կթողնի ապրիլի 10-17-ին անցկացվելիք Մոնտե Կառլոյի «Մասթերս» մրցաշարը։

Հիշեցնենք, որ Ինդիան Ուելսի մրցաշարի եզրափակիչում Նադալը մրցել էր ամերիկացի Թեյլոր Ֆրիցի հետ, որն առավելության էր հասել 6:3, 7:6 (7:5) հաշվով։