Լեմպարդը հաղթական գոլը նշելիս ձեռքի կոտրվածք է ստացել

«Էվերտոնի» անգլիացի գլխավոր մարզիչ Ֆրենկ Լեմպարդը «Նյուքասլի» դեմ Անգլիայի առաջնության 20-րդ տուրի խաղի վերջին վայրկյաններին հաղթական գոլը նշելիս ձեռքի կոտրվածք է ստացել, հաղորդում է լիվերպուլյան ակումբի մամուլի ծառայությունը։

«Առանձնահատուկ խաղ էր, այսպիսի պահերի համար կարելի է ամեն խաղում էլ ձեռքի կոտրվածք ստանալ»,- ասել է Լեմպարդը։

«Նյուքասլի» դեմ խաղում «Էվերտոնը» 83-րդ րոպեից խաղացել է 10 ֆուտբոլիստներով, սակայն ավելացված ժամանակում կարողացել է գոլ խփել եւ հաղթել 1։0 հաշվով։ Աչքի է ընկել նիգերիացի հարձակվող Ալեքս Իվոբին։

27 խաղից հետո «Էվերտոնը» 17-րդ տեղում է։