Բենզեման ՉԼ-ում հեթ-տրիկի հեղինակ դարձած ամենատարեց ֆուտբոլիստն է

Մադրիդի «Ռեալի» ֆրանսիացի հարձակվող Քարիմ Բենզեման Չեմպիոնների լիգայում հեթ-տրիկի հեղինակ դարձած ամենատարեց ֆուտբոլիստն է։

1/8 եզրափակիչի պատասխան խաղում Բենզեման ՊՍԺ-ին երեք գոլ է խփել 34 տարեկան եւ 80 օրականում, հաղորդում է Opta-ն։ Նա գերազանցել է իտալական «Միլանում» հանդես եկող ֆրանսիացի հարձակվող Օլիվյե Ժիրուի նվաճումը։ Անցած մրցաշրջանում նա «Չելսիի» հետ մասնակցել էր իսպանական «Սեւիլիայի» դեմ խաղին եւ դարձել 4 գոլի հեղինակ 34 տարեկան եւ 63 օրականում։

Հիշեցնենք, որ «Ռեալը» պատասխան խաղում ՊՍԺ-ին հաղթել է 3։1 հաշվով եւ դուրս եկել քառորդ եզրափակիչ։

Այս մրցաշրջանում Բենզեման «Ռեալի» հետ բոլոր մրցաշարերում մասնակցել է 33 հանդիպման, խփել 30 գոլ, կատարել 12 գոլային փոխանցում։