Ստամբուլում ձերբակալված հայաստանցիներին ցմահ ազատազրկման են դատապարտել
Ստամբուլի ծանր հանցագործությունների գործերով 7–րդ դատարանը Ստամբուլում մեկ տարի առաջ ստամբուլահայ տարեց զույգի դեմ ավազակային հարձակում իրականացրած 3 հայաստանցիների նկատմամբ ցմահ ազատազրկան որոշում է կայացրել։
Թուրքական Cumhuriyet–ի փոխանցմամբ՝ թուրքական դատարանը Արթուր Այվազյանին, Արամ Հովհաննիսյանին ու Սերգե Միքաելյանին մեղավոր է ճանաչել դիտավորյալ սպանություն իրականացնելու մեջ եւ նրանց դատապարտել զմահ ազատազրկման։
Նույն գործով անցնող 9 մեղադրյալների նկատմամբ դատարանը ապացույցների անբավարար լինելու պատճառով արդարացման վճիռ է կայացրել։
Հիշեցնենք, որ 2016–ի փետրվարի 6-ին անհայտ անձիք մտել էին Շիշլիում ապրող տարեց հայ ամուսինների տուն, վերցրել թանկարժեք զարդեր ու խոշոր չափի գումար։ Մինչ իրավապահների դեպքի վայր հասնելը 85-ամյա ամուսինը խեղդվել էր, իսկ կնոջը մի կերպ են փրկել։
Դեպքի հետ կապված ձերբակալվել էին 12 կասկածյալ, որոնց մեծ մասը հայաստանցիներ են։
Ավելի ուշ հայտնի էր դարձել, որ Շիշլիում ապրող 85-ամյա Հակոբ Դեմիրջիի եւ Սեթա Այլա Դեմիրջիի տանը որպես հավաքարար աշխատող հայաստանցի կինը զանգահարել է Հայաստանում գտնվող իր բարեկամներին՝ հայտնելով, որ հիշյալ տանը մեծ քանակությամբ զարդեր ու գումար կան։ Հենց հավաքարարն էլ կազմակերպել է ավազակային հարձակում իրականացնողների մուտքը տարեց հայ ամուսինների բնակարան։
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները