Չավի․ Չեմ բացառում, որ դեռ կմասնակցենք տիտղոսի համար պայքարին

«Բարսելոնայի» գլխավոր մարզիչ Չավին մեկնաբանել է Բիլբաոյի «Աթլետիկի» նկատմամբ 4։0 հաշվով հաղթանակն Իսպանիայի առաջնության 26-րդ տուրում։

«Սպասում էի այսպիսի արդյունք, քանի որ թիմը առաջադիմում է, խաղացողները շատ լավ մարզվում են։ Մենք լուրջ խաղ ցուցադրեցինք, վստահ գործեցինք պաշտպանությունում, գնդակը կորցնելիս դիմում էինք պրեսինգի։ Երջանիկ եմ արդյունքի, երկրպագուների հետ ներդաշնակության համար։

Դեմբելեն լավ է աշխատում եմ, այդ պատճառով էլ պաշտպանում եմ նրան։ Կմնա թիմում, թե չի մնա թիմում՝ իմ գործը չէ։

Այս պահին ես չեմ բացառում, որ դեռ կմասնակցենք տիտղոսի համար պայքարին՝ չմոռանալով, որ «Ռեալն» ուժեղ է։ Մենք դեռ չորրորդն ենք, պետք է դառնալ երրորդը»,- Չավիի խոսքը մեջբերում է AS-ը։

«Բարսելոնան» 25 խաղից հետո 45 միավորով չորրորդն է եւ 1 միավոր է հետ 26 հանդիպում անցկացրած եւ երրորդ տեղում գտնվող «Բետիսից»։ Առաջատար «Ռեալն» ունի 60 միավոր։