Փոլ Սքոուլզ․ «Մանչեսթեր Յունայթեդի» այս կազմը չի ցանկանում լիարժեք աշխատել

Անգլիական «Մանչեսթեր Յունայթեդի» նախկին խաղացող, բրիտանացի հեռուստամեկնաբան Փոլ Սքոուլզը դժգոհել է Ռալֆ Ռանգնիկի գլխավորած թիմի ֆուտբոլիստներից՝ պաշտպանելով գերմանացի մասնագետին։ Պրեմիեր լիգայի 25-րդ տուրում մանչեսթերյան թիմը տանը 1։1 հաշվով էր խաղացել «Սաութհեմփթոնի» հետ։

«Ես դիտում եմ «Մանչեսթեր Յունայթեդի» հանդիպումները, եւ ակնհայտ է, որ այս կազմի խաղացողները խաղադաշտում զոհողությունների չեն գնում հանուն ակումբի։ Նրանք չեն ցանկանում լիարժեք աշխատել եւ դրսեւորվել, ինչը խելահեղություն է։

«Սաութհեմփթոնի» դեմ խաղում «Մանչեսթեր Յունայթեդի» ֆուտբոլիստները ոչ մի ջանք չգործադրեցին մրցակցին խանգարելու համար։

Հայտացուցակում կան բազմաթիվ բարձրակարգ ֆուտբոլիստներ, բայց նրանք խաղադաշտում չեն ցուցադրում իրենց տաղանդը։

Ես Ռալֆ Ռանգնիկի աջակցողների թվում եմ։ Նա անում է հնարավոր ամեն ինչ, սակայն խաղացողները կա՛մ չեն հասկանում նրան, կա՛մ չեն կարողանում, կա՛մ էլ պարզապես ցանկություն չունեն»,- Սքոուլզի խոսքը մեջբերում է BT Sport-ը։

Անգլիայի առաջնության 24 խաղից հետո «Մանչեսթեր Յունայթեդը» 40 միավորով 5-րդ տեղում է։