Կառավարությունը գաղտնի՞ է պահում դեղերի շուկայում ստվերի կրճատման մասին տեղեկատվությունը
Դեղ արտադրողների եւ ներմուծողների միությունը շարունակում է երեք ամիսը մեկ պաշտոնապես դիմել ՀՀ ֆինանսների նախարարություն՝ դեղերի ոլորտում ստվերի կրճատման մասին տեղեկատվություն տրամադրելու խնդրանքով: Այս մասին օգոստոսի 19-ին լրագրողների հետ հանդիպման ժամանակ հայտնեց ԴԱՆ միության գործադիր տնօրեն Սամվել Զաքարյանը։
«Դրոշմապիտակները սկսեցին կիրառվել՝ հիմնավորմամբ, որ գոյություն ունի 20% ստվերային շրջանառություն, եւ այդ որոշումը կարող է նպաստել դրա կրճատմանը։ Սակայն մեզ այդպես էլ տեղեկատվություն չէին տրամադրում նվազման մասին, իսկ վերջին երկու դեպքերում հայտնեցին, որ այդ տեղեկատվությունը գաղտնի է, չեն կարող այդ մասին խոսել»,- հայտնեց ԴԱՆ միության ղեկավարը։
Զաքարյանի խոսքով՝ ժամանակին իրենց հիմնավորումներ էին ներկայացնում, որ կստեղծվի հիմնադրամ, եւ ստվերի կրճատումից առաջացած գումարները կուղղվեն առողջապահության ոլորտ: Բայց հիմնադրամն այդպես էլ չստեղծվեց։
Նշենք, որ 2014 թվականի հունիսին ԱԺ-ն հրատապ ռեժիմով ընդունել է կառավարության ներկայացրած «Առեւտրի եւ ծառայությունների մասին» օրենքում փոփոխությունները, ըստ որի՝ նոյեմբերի 1-ից դեղերը պարտադիր պետք է դրոշմավորվեն:
ԴԱՆ միությունն ի սկզբանե դեմ է եղել այդ որոշմանը՝ պնդելով, որ Հայաստանում դեղերի ստվերային շրջանառություն չկա, իսկ դրոշմապիտակները միայն բարդացնում են դեղերի արտադրության եւ ներմուծման գործընթացն ու հանգեցնում դեղերի թանկացման:


















































ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ