Անչելոտի․ Բեյլը ստացավ հնարավորություն եւ լավ դրսեւորեց իրեն

Մադրիդի «Ռեալի» իտալացի գլխավոր մարզիչ Կառլո Անչելոտին խոսել է թիմի ուելսցի հարձակվող Գարեթ Բեյլի մասին, որը 2021թ․ օգոստոսից հետո առաջին անգամ փետրվարի 12-ին մասնակցել է Արքայական թիմի խաղին։ Իսպանիայի առաջնության 24-րդ տուրում «Ռեալը» 0։0 հաշվով է խաղացել «Վիլյառեալի» հետ։

«Բեյլը ստացավ հնարավորություն եւ լավ դրսեւորեց իրեն, կարող էր գոլ խփել։ Նա սրություն հաղորդեց մեր հարձակմանը։

ՊՍԺ-ի դեմ առաջիկա խաղին Բեյլի մասնակցության վերաբերյալ որոշում դեռ չունեմ։ Սպասենք, տեսնենք՝ ինչ կլինի առաջիկա օրերին։ Հույս ունեմ, որ բոլոր ֆուտբոլիստներն էլ պատրաստ կլինեն»,- Անչելոտիի խոսքը մեջբերում է Marca-ն։

Չեմպիոնների լիգայի 1/8 եզրափակիչի ՊՍԺ - «Ռեալ» առաջին հանդիպումը տեղի կունենա փետրվարի 15-ին Փարիզում։