Թուրքիայի վարչապետը սպառնացել է Իրաքյան Քուրդիստանին
Թուրքիայի վարչապետ Բինալի Յըլդըրըմը, մեկնաբանելով Իրաքյան Քուրդիստանի անկախության վերաբերյալ հանրաքվեի գաղափարը, սպառնացել է իրաքցի քրդերին, գրում է diken.com.tr կայքը:
Յըլդըրըմը հայտարարել է, որ «Իրաքի կամ Սիրիայի տարածքում անկախ պետություն հիմնելու երազանքով տարվածները» պետք է պատրաստ լինեն համարժեք հակահարվածի, եթե վտանգի տակ դնեն Թուրքիայի սահմանների անվտանգությունը:
«Թող ոչ ոք չփորձի մեր հարավային սահմանին նոր գործ բացել: Անհրաժեշտ քայլեր ձեռնարկելուց բնավ չենք քաշվի», - ասել է Թուրքիայի վարչապետը:
Հիշեցնենք, որ Իրաքի սահմանադրական դատարանն Իրաքյան Քուրդիստանի անկախության վերաբերյալ հանրաքվեն հետաձգելու մասին որոշում է կայացրել: Իրաքի քրդերը պատրաստվում են անկախության վերաբերյալ հանրաքվե անցկացնել սեպտեմբերի 25-ին:
Ավելի վաղ Թուրքիայի արտգործնախարար Մևլութ Չավուշօղլուն սպառնացել էր, որ եթե քրդերը շարունակեն համառել անկախության հանրաքվեի հարցում՝ ծանր գին կվճարեն դրա համար:
Շաբաթներ առաջ էլ ԱՄՆ պետքարտուղար Ռեքս Թիլերսոնը Մասուդ Բարզանիին ուղղված հաղորդագրության մեջ պահանջել է հետաձգել հանրաքվեն՝ հաշվի առնելով տարածաշրջանում ստեղծված իրավիճակն ու ահաբեկչության դեմ պայքարի կարևոր նշանակությունը: Դրան ի պատասխան Բարզանիի գրասենյակից հայտարարել են, որ հանրաքվեի օրը կմնա անփոփոխ:
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
Մունդիալ-2026․ մեկնարկն արդարացնո՞ւմ է սպասելիքները
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...