Էրդողան․ Ս-400-ի մատակարարումը Թուրքիայի ներքին գործն է
Ռուսական Ս-400 զենիթահրթիռային համակարգի մատակարարումը Թուրքիայի ներքին գործն է, այն բացասական բնույթ չի կրում ՆԱՏՕ-ի տեսանկյունից։ Այս մասին հայտարարել է Թուրքիայի նախագահ Ռեջեփ Էրդողանը, հաղորդում է ՌԻԱ Նովոստին։
«Անկարայի կողմից ռուսական Ս-400 ԶՀՀ համակարգի ձեռքբերման պայմանագիրը կարեւոր քայլ է Թուրքիայի եւ Ռուսաստանի միջեւ համագործակցության զարգացման տեսանկյունից։ Ռուսական համալիրները շատ կարեւոր հարձակողական պաշտպանական համակարգեր են։ Եվ դրանց մատակարարումը Թուրքիայի ներքին գործն է. Սա մեր որոշումն է։ Մենք այս որոշումը կայացրել ենք, պայմանավորվել ենք Ռուսաստանի հետ։ Այն բացասական բնույթ չի կրում ՆԱՏՕ-ի տեսանկյունից»,- ասել է Էրդողանը Տրապիզոնում թուրք երիտասարդների հետ հանդիպման ժամանակ։
Նրա խոսքով՝ Հյուսիսատլանտյան դաշինքի անդամ երկրներն «իրավունք ունեն ինքնուրույն որոշումներ կայացնել իրենց զինված ուժերի կարիքների համար սպառազինություն գնելու շուրջ»։
Ռուսաստանը եւ Թուրքիան 2017 թվականին 2,5 միլիարդ դոլարի Ս-400 ՀՕՊ-ՀՀՊ համակարգերի չորս դիվիզիոն համակարգերի մատակարարման շուրջ պայմանագիր են ստորագրել, թուրքական կողմին մատակարարումներն իրականացվել են 2019 թվականի ամռանն ու աշնանը։ 2021 թվականի օգոստոսի վերջին Թուրքիայի նախագահ Ռեջեփ Էրդողանը հայտարարել է, որ չի կասկածում Ռուսաստանից Ս-400 երկրորդ գնդի գնման հարցում։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Աշխատող ծնողների համար սահմանվում է «ծնողական ժամ»
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ցեմենտի ներմուծումը 6 ամսով կսահմանափակվի
Գերմանիայի աշխատաշուկան՝ կադրերի դեֆիցիտի առաջ
Մոսկվայի բոլոր օդանավակայանները կրկին դադարեցրել են աշխատանքը