Ֆրենկ Լեմպարդը գլխավորեց «Էվերտոնը»

Ֆրենկ Լեմպարդը նշանակվեց «Էվերտոնի» գլխավոր մարզիչ։ 43-ամյա անգլիացի մասնագետի պայմանագիրը լիվերպուլյան ակումբի հետ նախատեսված է մինչեւ 2024թ․ հունիս։

Լեմպադրը թիմը կղեկավարի արդեն փետրվարի 5-ին՝ «Բրենթֆորդի» դեմ Անգլիայի գավաթի խաղարկության չորրորդ շրջանի խաղում։

Լեմպարդն առանց մարզչական աշխատանքի էր 2021թ․ հունվարին Լոնդոնի «Չելսիի» գլխավոր մարզիչի պաշտոնից հեռացվելուց հետո։

«Էվերտոնում» նա փոխարինեց իսպանացի Ռաֆայել Բենիտեսին, որը հեռացվել էր ոչ բավարար արդյունքների համար։ Անգլիայի առաջնության 20 խաղից հետո թիմը 19 միավորով 16-րդ տեղում է։