3 ակումբ բանակցում է «Ռոմայի» կիսապաշտպանի տրանսֆերի հարցով

Գամբիայի հավաքականի կիսապաշտպան Էբրիմա Դարբոն մոտ է իտալական «Ռոմայից» հեռանալուն։ Իտալական «Կալյարին», «Սալերնիտանան» եւ բելգիական «Անդերլեխտը» բանակցում են հռոմեական ակումբի ղեկավարության հետ հնարավոր տրանսֆերի հարցով, հաղորդում է Goal.com-ը։ Երեք ակումբներն էլ ցանկանում են կես տարով վարձակալել 20-ամյա ֆուտբոլիստին։

Ընթացիկ մրցաշրջանում Դարբոն պորտուգալացի Ժոզե Մոուրինյոյի գլխավորած թիմի հետ մասնակցել է 5 հանդիպման, կատարել 1 գոլային փոխանում։

Դարբոյի տրանսֆերային արժեքը գնահատվում է 2 միլիոն եվրո։