Վրաստանում կորոնավիրուսով վարակման 5381 նոր դեպք է գրանցվել, մահացել է 30 մարդ

Անցած մեկ օրվա ընթացքում Վրաստանում գրանցվել է կորոնավիրուսով վարակման 5381 նոր դեպք։ Այս մասին այսօր հայտնել են COVID-19-ի դեմ պայքարի օպերատիվ շտաբում, փոխանցում է «Նովոստի Գրուզիա»-ն:

Տվյալները ստացվել են ավելի քան 63.5 հազար թեստերի հիման վրա։ Այսպիսով, օրական հայտնաբերման ցուցանիշը կազմել է 8.47 տոկոս, երկու շաբաթվա ընթացքում՝ 9.24 տոկոս, յոթ օրվա ընթացքում՝ 9.62 տոկոս։

Վրաստանում համավարակի սկզբից ի վեր գրանցված կորոնավիրուսով վարակման դեպքերի ընդհանուր թիվը շաբաթ առավոտյան հասել է 990.183-ի։

Եվս 30 հիվանդ մահացել է կորոնավիրուսից: Վրաստանում կորոնավիրուսից մահացածների ընդհանուր թիվը կազմում է 14425 դեպք: Ապաքինվել է 1065 մարդ, նրանց ընդհանուր թիվը հասել է 925137-ի։

Վրաստանում այս պահին կա կորոնավիրուսով վարակման 50 595 ակտիվ դեպք։ Դրանցից 4369-ը (հիվանդների ընդհանուր թվի 9 տոկոսից պակաս) բուժվում է հիվանդանոցներում։ 1005 հիվանդի վիճակը ծանր է, 294-ը միացված է արհեստական ​​շնչառության սարքերին։ Քովիդ հյուրանոցներում բժիշկների հսկողության տակ է մնում 2077 մարդ, իսկ տնային պայմաններում բուժում է ստանում 44149 մարդ:

53 քաղաքացի մնում է կարանտինային տարածքներում, մոտ 25.3 հազար մարդ մնում է ինքնամեկուսացման մեջ։