Գվարդիոլա․ Դեկտեմբերին չեմպիոն չեն դառնում, դեռ պարտություն կունենանք

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան մեկնաբանել է Պրեմիեր լիգայի 20 տուրից հետո 8 միավորի առավելությունը երկրորդ տեղում ընթացող «Չելսիի» նկատմամբ։

«Դեռ 54 միավոր է վիճարկվելու։ Դեկտեմբերին չեմպիոն չեն դառնում, դեռ պարտություն կունենանք։ Առջեւում «Արսենալի», «Չելսիի», «Սաութհեմփթոնի» դեմ հանդիպումներ են։ «Լիվերպուլն» էլ մեկ հանդիպում քիչ է անցկացրել։

2021-ին Պրեմիեր լիգայում մեր 36 հաղթանակը նշանակում է, որ հրաշալի տարի էր։ Մենք նվաճեցինք չեմպիոնի տիտղոսը, Անգլիական լիգայի գավաթը, Չեմպիոնների լիգայում հասանք եզրափակիչ։ Սա մեծ հաջողություն է»,- ամփոփել է Գվարդիոլան, փոխանցում է ESPN-ը։

Անգլիայի առաջնության 21-րդ տուրում «Մանչեսթեր Սիթին» հունվարի 1-ին կհյուրընկալվի «Արսենալին»։