Սաակաշվիլին կարող է կոմայի մեջ ընկնել
Վրաստանի Ժողովրդական պաշտպանի գրասենյակը եւ դրա հովանու ներքո ստեղծված փորձագետների խումբը հայտնում են, որ երկրի նախկին նախագահ Միխեիլ Սաակաշվիլին կարող է կոմայի մեջ ընկնել, եւ կոչ են անում նրան անհապաղ տեղափոխել բարձր տեխնոլոգիաների բազմամասնագիտական հիվանդանոց։ Այս մասին ասվում է Վրաստանի օմբուդսմենի՝ այսօր տարածված հայտարարության մեջ, հայտնում է «Նովոստի-Գռուզիա»-ն։
Նոյեմբերի 18-ին՝ հացադուլի 49-րդ օրը, Սաակաշվիլին Գլդանիի բանտի հիվանդանոցում կորցրեց գիտակցությունը, ինչից հետո տեղափոխվեց վերակենդանացման բաժանմունք։ Նախօրեին Վրաստանի օմբուդսմենին բժիշկների խումբն այցելեց ՔԿՀ եւ զննեց հիվանդին։
Փորձագետների կարծիքով՝ երրորդ նախագահի մոտ «զարգացել է ամենածանր բարդություններից մեկը», որն առաջացել է տեւական հացադուլից՝ ջղաձգումներ, որոնք առաջացել են Վերնիկեի էնցեֆալոպաթիայի պատճառով։
Բժիշկները նշում են, որ ուղեղում կիզակետային պրոցեսների ամբողջական գնահատման համար մագնիսական ռեզոնանսային տոմոգրաֆիայի (ՄՌՏ) հետազոտություն է անհրաժեշտ, այդ թվում` ՄՌ վենոգրաֆիա: Նաեւ էլեկտրաէնցեֆալոգրամ (ԷԷԳ) պրոցեդուրա է առաջարկվում:
«Ելնելով այն հանգամանքից, որ վիճակը կրիտիկական է եւ հաշվի առնելով սպասվող բարդությունները` հանրային պաշտպանը եւ փորձագետների խումբը եւս մեկ անգամ կոչ են անում Արդարադատության նախարարին/Հատուկ քրեակատարողական ծառայությանը Միխեիլ Սաակաշվիլիին անհապաղ տեղափոխել աշխատանքի մեծ փորձով պատշաճ գործող բազմապրոֆիլային հիվանդանոց, քանի որ ավելի լուրջ բարդություններն ակնհայտ են՝ Վերնիկեի էնցեֆալոպաթիայի կամ կոմայի հետեւանքով առաջացած էպիլեպտիկ կարգավիճակի զարգացման հավանականություն, որը կարող է մահացու լինել»,- ասվում է հաղորդագրության մեջ։
Նոյեմբերի 16-ին Վրաստանի օմբուդսմենը բժիշկների խումբ էր ձեւավորել` Սաակաշվիլիի առողջական վիճակին ծանոթանալու համար, ով հոկտեմբերի 1-ին ձերբակալվելուց անմիջապես հետո բանտում հացադուլ հայտարարեց։ Նույն օրը բժիշկներն այցելեցին Գլդանիի բանտի հիվանդանոց եւ հետազոտեցին նախկին նախագահին։ Բժիշկները հայտնեցին, որ հիվանդի վիճակը ծանր է եւ խորհուրդ տվեցին նրան տեղափոխել մասնավոր հիվանդանոց։
Առայժմ իշխանությունները հրաժարվում են հոսպիտալացնել Սաակաշվիլիին՝ պատճառաբանելով անվտանգության միջոցառումները:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Մահացել է Երևանի նախկին քաղաքապետ Ռոբերտ Նազարյանը
Հունվարի 27-ը Հայրենիքի պաշտպանության համար զոհվածների հիշատակի օրն է
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...
Հունաստանում սննդի գործարանում բռնկված հրդեհը երեք մարդու կյանք է խլել
17-ամյա Աննա Զաքարյանը որոնվում է որպես անհետ կորած