ԱԱ-2022․ Հայաստանի թիմը պարտվեց գերմանացիներին, J խմբում երկրորդ տեղ գրավեց Հյուսիսային Մակեդոնիան (ֆոտո, վիդեո)

Ֆուտբոլի Հայաստանի հավաքականն աշխարհի առաջության ընտրական մրցաշարի J խմբի վերջին տուրում Վազգեն Սարգսյանի անվան «Հանրապետական» ստադիոնում ընդունեց խմբի հաղթող Գերմանիայի հավաքականին։

Խոակին Կապառոսի գլխավորած թիմը պարտություն կրեց 1։4 հաշվով։

15-րդ րոպեին Մյոնխենգլադբախի «Բորուսիայի» կիսապաշտպան Յոնաս Հոֆմանի փոխանցումից հետո աչքի ընկավ Լոնդոնի «Չելսիի» կիսապաշտպան Կայ Հավերցը։

Ավելացված ժամանակում «Ալաշկերտի» պաշտպան Տարոն Ոսկանյանը խախտեց կանոնները սեփական տուգանային հրապարակում Մյոնխենգլադբախի «Բորուսիայի» կիսապաշտպան Ֆլորիան Նոյհաուսի նկատմամբ եւ VAR-ի կիրառումից հետո նշանակվեց 11 մետրանոց: Հարվածն արդյունավետ իրացրեց «Մանչեսթեր Սիթիի» կիսապաշտպան Իլկայ Գյունդոգանը, որը 50-րդ րոպեին նաեւ իր երկրորդ գոլը խփեց։

59-րդ րոպեին «Արարատ-Արմենիայի» պաշտպան Դավիթ Տերտերյանի նկատմամբ կանոնները խախտեց Յոնաս Հոֆմանը, եւ գերմանացիների դարպասին նշանակված 11 մետրանոցը հստակ իրացրեց իտալական «Ռոմայի» կիսապաշտպան Հենրիխ Մխիթարյանը։ 64-րդ րոպեին Յոնաս Հոֆմանը խփեց հյուրերի չորրորդ գոլը։

Գերմանիան վաստակեց 27 միավոր, Հայաստանը 12 միավորով չորրորդն է։

J խմբում երկրորդ տեղը եւ մնացած ուղեգրերի համար գարնանային փլեյ-օֆֆին մասնակցելու իրավունքը նվաճեց Հյուսիսային Մակեդոնիան, որը 3։1 հաշվով հաղթեց Իսլանդիային եւ վաստակեց 18 միավոր։

Ռումինիան 2։0 հաշվով հաղթեց Լիխտենշտեյնին եւ վաստակեց 17 միավոր։

ԱԱ-2022, ընտրական մրցաշար, վերջին տուր

J խումբ

Հայաստան - Գերմանիա՝ 1։4 (տեսանյութ)

Հենրիխ Մխիթարյան, 59, 11մ - Կայ Հավերց, 15, Իլկայ Գյուդոգան, 45+4, 50, Յոնաս Հոֆման, 64

Հայաստան․ Ստանիսլավ Բուչնեւ, Դավիթ Տերտերյան, Վարազդատ Հարոյան, Անդրե Կալիսիր, Տարոն Ոսկանյան, Խորեն Բայրամյան (Լուկաս Սելարայան, 69), Սոլոմոն Ուդո (Արտակ Գրիգորյան, 84), Էդուարդ Սպերցյան, Ժիրայր Մարգարյան, Հենրիխ Մխիթարյան (Նարեկ Գրիգորյան, 76), Սարգիս Ադամյան (Նորբերտո Բալեկյան, 69)։

Հյուսիսային Մակեդոնիա - Իսլանդիա՝ 3։1

Էզգան Ալիոսկի, 7, Էլիֆ Էլմաս, 65, 87 - Յոուն Տորստենսոն 54

Հեռացում՝ Իսակ-Բերգման Յոհանեսոն (Իսլանդիա), 79, երկրորդ դեղին քարտ

Լիխտենշտեյն - Ռումինիա՝ 0։2

Դենիս Ման, 7, Նիկուսոր Բանկու, 87

Չիրացրած 11մ՝ Նիկոլաե Ստանչու (Ռումինիա), 34