Բենզեման գերազանցեց Տրեզեգեի ցուցանիշը Ֆրանսիայի հավաքականում

Աշխարհի առաջնության ընտրական մրցաշարի նախավերջին տուրի խաղում (8։0) Ղազախստանի հավաքականին 2 գոլ խփելու շնորհիվ Մադրիդի «Ռեալի» հարձակվող Քարիմ Բենզեման ազգային թիմում խփած գոլերի քանակով գերազանցեց Դավիդ Տրեզեգեին։

Բենզեման 35 գոլով 5-րդն է Ֆրանսիայի հավաքականի բոլոր ժամանակների լավագույն ռմբարկուների մրցավազքում։ Տրեզեգեն 34 գոլ է խփել հավաքականում։

Բենզեմայից առաջ են Միշել Պլատինին (41), Անտուան Գրիզմանը (42), Օլիվյե Ժիրուն (46) եւ Թիերի Անրին (51)։

Հիշեցնենք, որ աշխարհի չեմպիոն Ֆրանսիայի հավաքականը նվաճել է 2022թ․ աշխարհի առաջնության եզրափակիչ մրցաշարի ուղեգիրը։