«Բարսելոնան» կփորձի վարձակալել «Չելսիի» հարձակվողին

«Բարսելոնայի» նորանշանակ գլխավոր մարզիչ Չավին հետաքրքրված է Լոնդոնի «Չելսիի» եւ Գերմանիայի հավաքականի հարձակվող Տիմո Վերների ծառայություններով։ Կատալոնական ակումբը կփորձի հունվարի տրանսֆերային պատուհանի ժամանակ վարձակալությամբ ձեռք բերել 25-ամյա ֆուտբոլիստին, հաղորդում է իսպանական Marca-ն։

Վերները 2020թ․ հունիսին գերմանական «ՌԲ Լայպցիգից» է տեղափոխվել «Չելսի» 53 միլիոն եվրոյի դիմաց։ Անգլիայի ընթացիկ առաջնությունում նա մասնակցել է 7 հանդիպման, խփել 1 գոլ, կատարել նույնքան գոլային փոխանցում։

Տիմո Վերների տեղափոխության հարցում համաձայնության չհասնելու դեպքում, «Բարսելոնան» կաշխատի «Մանչեսթեր Սիթիի» անգլիացի հարձակվող Ռահիմ Ստերլինգի կամ «Մանչեսթեր Յունայթեդի» ուրուգվայցի հարձակվող Էդինսոն Կավանիի տեղափոխության ուղղությամբ։