«Աստոն Վիլան» 2-3 միլիոն ֆունտ ստերլինգ փոխհատուցում կվճարի Սթիվեն Ջերարդի համար

Անգլիական «Աստոն Վիլան» 2-3 միլիոն ֆունտ ստերլինգ փոխհատուցում կվճարի շոտլանդական «Գլազգո Ռեյնջերսին» թիմի գլխավոր մարզիչ Սթիվեն Ջերարդի հետ պայմանագրի խզման համար, հաղորդում է Daily Record-ը։

41-ամյա մասնագետի նշանակման մասին պաշտոնական հայտարարությունը սպասվում է այս շաբաթ։

Ջերարդը 2017-2018-ին գլխավորել է «Լիվերպուլի» մինչեւ 19 տարեկանների թիմը, 2018-ից ղեկավարում է «Ռեյնջերսը», որի հետ անցած մրցաշրջանում դարձավ Շոտլանդիայի չեմպիոն։

«Աստոն Վիլան» նոյեմբերի 7-ին գլխավոր մարզիչի պաշտոնից հեռացրել է Դին Սմիթին։ Պրեմիեր լիգայի 11 տուրից հետո թիմը 10 միավորով 16-րդն է։