«Բարսելոնան» ու «Չելսին» կպայքարեն Քինգսլի Քոմանի համար

Գերմանիայի չեմպիոն Մյունխենի «Բավարիան» ու թիմի ֆրանսիացի կիսապաշտպան Քինգսլի Քոմանը չեն կարողանում համաձայնության հասնել պայմանագրի երկարաձգման հարցում։

Իրավիճակից կփորձեն օգտվել կատալոնական «Բարսելոնան» ու Լոնդոնի «Չելսին», որոնք հետաքրքրված են 25-ամյա ֆուտբոլիստի ծառայություններով, հաղորդում է Bild-ը։

Քինգսլի Քոմանը «Բավարիայից» պահանջում է աշխատավարձի կրկնապատկում՝ 10 միլիոն եվրոյի փոխարեն 20 միլիոն եվրո։ Գերմանական ակումբը պատրաստ է վճարել տարեկան 13 միլիոն եվրո։

Քինգսլի Քոմանի պայմանագիրը «Բավարիայի» հետ նախատեսված է մինչեւ 2023թ․ հունիս։

Գերմանիայի ընթացիկ առաջնությունում ֆուտբոլիստը մասնակցել է 5 հանդիպման, խփել 2 գոլ։