Մոուրինյոն 3 առաջատար խաղացողի հանգստի հնարավորություն կտա

Իտալական «Ռոմայի» պորտուգալացի գլխավոր մարզիչ Ժոզե Մոուրինյոն հիմնական կազմի մի քանի խաղացողների հանգստի հնարավորություն կտա նորվեգական «Գլիմտի» դեմ Կոնֆերենցիաների լիգայի չորրորդ տուրի խաղում, որը տեղի կունենա նոյեմբերի 4-ին Հռոմում։

Թիմի ավագ Լորենցո Պելեգրինին, Նիկոլո Ձանյոլոն, Թեմի Աբրահամը չեն ընդգրկվի մեկնարկային կազմում, հաղորդում է Corriere dello Sport-ը։

Էլդոր Շոմուրոդովը կլինի հարձակման կենտրոնում, Ստեֆան Էլ Շաարավին՝ իր համար սովորական ձախ վինգերի դիրքում, Հենրիխ Մխիթարյանը կկատարի խաղարկողի դեր։

Հիշեցնենք, որ Նորվեգիայում «Ռոման» պարտվել է 1։6 հաշվով։