«Տոտենհեմը» ցանկանում է հրավիրել Անտոնիո Կոնտեին

Լոնդոնի «Տոտենհեմի» ղեկավարությունը ցանկանում է գլխավոր մարզիչի պաշտոնում տեսնել իտալացի Անտոնիո Կոնտեին, հաղորդում է ESPN-ը։

Անգլիական թիմի պորտուգալացի գլխավոր մարզիչ Նունու Էշպիրիտու Սանտուի նկատմամբ վստահությունն ակումբում նվազել է Անգլիայի առաջնության 10-րդ տուրի տնային խաղում «Մանչեսթեր Յունայթեդից» կրած 0։3 հաշվով պարտությունից հետո։ «Տոտենհեմը» 15 միավորով 8-րդ տեղում է։

Կոնտեն Միլանի «Ինտերից» հեռանալուց հետո առայժմ չունի մարզչական աշխատանք։ Անցած մրցաշրջանում «Ինտերը» նրա ղեկավարությամբ նվաճեց Իտալիայի չեմպիոնի տիտղոսը։