Արման Միքայելյանն ու Հրայր Սիմոնյանն առաջատարների թվում են

Երեւան օփեն շախմատային միջազգային մրցաշարում կայացան չորրորդ մրցափուլի խաղերը: Առաջատարներից Հայաստանը ներկայացնող Արման Միքայելյանը սպիտակներով հաղթանակ տարավ հնդիկ Գուկեշ Դի նկատմամբ եւ վաստակեց չորս միավոր:

Արթուր Դավթյանը միավորը կիսեց վրաց Լեւան Փանցուլայայի հետ, իսկ Հրայր Սիմոնյանը սեւերով հաղթեց բելառուս Միխայիլ Նիկիտենկոյի նկատմամբ՝ վաստակելով 3,5 միավոր:

Տիգրան Պետրոսյանը ոչ-ոքի խաղաց պարսիկ Աբդուլռեզայի հետ, իսկ Աշոտ Նադանյանը պարտվեց Վիտալի Սիվուկին:

Չորս տուրից հետո մրցաշարի առաջատարները երեքն են՝ ռուսաստանցի Կլիմենտի Սիչեւը, հայաստանցի Արման Միքայելյանը եւ հնդիկ Դաղլի Արաշը:

3,5 միավոր ունի վեց շախմատիստ, որոնց թվում է նաեւ Հրայր Սիմոնյանը:

Հինգերորդ տուրի խաղերը կկայանան այսօր: 

Top-News.am