«Էսինչին-էնինչին չի կարելի քննադատել» ասելով ենք եկել-հասել այս օրվան

Քննադատելը չշփոթեք մուտիլովկեքի ու հրահանգով միացնովի-անջատովի լաչառության հետ։ Այս մասին ֆեյսբուքյան իր էջում գրել է ռազմական փորձագետ Կարեն Վրթանեսյանը:

««Էսինչին-էնինչին չի կարելի քննադատել» ասելով ենք եկել-հասել 2008-ի մարտի 1-ին, 2016-ի ապրիլին, 2016-ի հուլիսին, 2018 ապրիլին, հետո 2020-ի սեպտեմբերին ու նոյեմբերին, 2021-ի մայիսին ու 2021-ի հունիսին։

Իսկ 2021-ի հունիսի 21-ից հետո 24-ժամյա կառուսելում ենք «Արջամկան օրը» («День сурка») ֆիլմի հերոսի պես՝ ամեն առավոտ զարթնելով նիկոլապետությունում, օրը մեռցնելով օկուպացիոն վարչակարգի թելադրած օրակարգերում թպրտալով։

Տեղում այսպես պտտվելու ենք մինչև հերթական աշխարհաքաղաքական ցնցումը կամ գլոբալ ճգնաժամի ալիքը վերջնականապես չսրբի, չտանի հայկական պետականությունը...

Եթե բոլորդ սուրբ եք, ապա ինչո՞ւ ենք պետությունը կորցնում։

Հ.Գ. Քննադատելը չշփոթեք մուտիլովկեքի ու հրահանգով միացնովի-անջատովի լաչառության հետ»,- գրել է Վրթանեսյանը։