Պալմայի օդանավակայանը, որտեղ հրաբուխ է ժայթքում, վերսկսում է աշխատանքը

Պալմա կղզու օդանավակայանը (Կանարյան կղզիների ինքնավար համայնք) վերսկսում է աշխատանքը, որը դադարեցվել է ժայթքող հրաբխի մոխրի պատճառով: Այդ մասին շաբաթ օրը Twitter-ի իր էջում հայտնել է Իսպանիայի օդային նավահանգիստների օպերատորը, փոխանցում է ՏԱՍՍ-ը:

Նրա տեղեկատվությամբ՝ «Պալմայի օդանավակայանը վերականգնում է աշխատանքը», որը դադարեցվել էր հոկտեմբերի 7-ին:

Սեպտեմբերի 19-ին Պալմայի Էլ Պասո գյուղի բնակավայրում հրաբխի ժայթքում էր սկսվել: Հրաբխի խառնարանից ակտիվ արտանետում է տեղի ունենում: Լավայի հոսքերն ավերել են մոտ 1000 շենք եւ հասել են օվկիանոսին, ինչը հանգեցրել է վնասակար գազերի մթնոլորտ արտանետմանը: Այժմ լավան ընդհանուր առմամբ տարածվել է ավելի քան 420 հեկտար տարածքի վրա: Անվտանգության նկատառումներից ելնելով՝ կղզուց տարհանվել է մոտ 6 000 մարդ, տուժածներ չկան: