Լարիսա Գուզեեւայի վիճակը կայունացել է, գանգատները միայն շնչահեղձության հետ են կապված

Հայտնի դերասանուհի եւ հեռուստահաղորդավարուհի Լարիսա Գուզեեւայի վիճակը կայունացել է: Այս մասին հայտնել է kp.ru-ի աղբյուրը։

Ինչպես հայտնել է պարբերականի զրուցակիցը, արտիստուհուն վերակենդանացման բաժանմունք չեն տեղափոխել։ Այս ամբողջ ընթացքում նա գտնվում էր թերապեւտիկ բաժանմունքում։

Հեռուստահաղորդավարուհու աջ թոքը ախտահարված է 60 տոկոսով, ձախը՝ 50 տոկոսով: Մարմնի ջերմաստիճանը գտնվում է նորմայի մեջ։ Սակայն Գուզեեւան բողոքում է շնչահեղձությունից։

Ավելի վաղ տեղեկություններ էին հայտնվել Գուզեեւայի առողջական վիճակի վատթարացման մասին: Հաղորդվում էր, որ արտիստուհուն կբուժեն թթվածնով հատուկ սարքի օգնությամբ, որի դիզայնը մի քանի խողովակով սկաֆանդր է հիշեցնում: