Աշոտ Խաչատուրյանցը՝ ռուսական Պրեմիեր լիգայի նախագահի միակ առաջադրված թեկնածու

Ռուսաստանի ֆուտբոլային Պրեմիեր լիգայի ընտրական հանձնաժողովն ավարտել է նախագահի թեկնածուների հայտերի ընդունումը։ Գրանցումը հոկտեմբերի 5-ից 8-ն էր։ Ընտրությանը կմասնակցի միայն մեկ թեկնածուն՝ Աշոտ Խաչատուրյանցը, հաղորդում է լիգայի կայքը։

Հոկտեմբերի 5-ից նա Պրեմիեր լիգայի նախագահի պաշտոնակատարն է Սերգեյ Պրյադկինի հեռանալուց հետո։

Նախագահի ընտրությունը տեղի կունենա նոյեմբերի 22-ին։

Սերգեյ Պրյադկինը Պրեմիեր լիգան ղեկավարում էր 2007թ․ նոյեմբերի 14-ից։ Այս տարվա հունվարի 16-ին նա վերընտրվել էր հինգ տարով։ Աշոտ Խաչատուրյանցը նաեւ Ռուսաստանի ֆուտբոլային միության մրցավարական կոմիտեի նախագահն է։