Ավստրալիայի վարչապետը քննադատել է սոցիալական ցանցերին՝ դրանք «վախկոտների պալատ» անվանելով

Ավստրալիայի վարչապետը քննադատել է սոցիալական ցանցերին՝ դրանք «վախկոտների պալատ» անվանելով եւ հայտարարելով, որ հարթակներին պետք է վերաբերվել ինչպես անհայտ անձանց վարկաբեկող մեկնաբանություններ հրապարակող հրատարակիչների: Սա յուղ է լցրել երկրի զրպարտության մասին օրենքների վերաբերյալ շուրջ ապագա բանավեճի կրակին, հաղորդում է Reuters-ը:

Վարչապետ Սքոթ Մորիսոնի մեկնաբանությունները ենթադրում են, որ նա կնախընտրեր պատասխանատվության ենթարկել Facebook-ի նման ընկերություններին երրորդ կողմերի կողմից տեղադրված որոշ բովանդակության զրպարտության համար, ինչը կարող է ավելի ամրապնդել Ավստրալիայի բացառիկ կարգավիճակն այս հարցում:

Երկրի բարձրագույն դատարանը անցյալ ամիս որոշում է կայացրել, որ հրատարակիչները կարող են քրեական պատասխանատվության ենթարկվել առցանց ֆորումներում հրապարակային մեկնաբանությունների համար: Այս որոշումը իրար դեմ է հանել Facebook-ին եւ լրատվական կազմակերպություններին եւ տագնապ է առաջացրել սոցիալական ցանցերի միջոցով հանրության հետ շփվող բոլոր ոլորտների շրջանում:

Սա, իր հերթին, նոր արդիականություն է հաղորդել Ավստրալիայի զրպարտության վերաբերյալ օրենքների ընթացիկ վերանայմանը, գլխավոր դատախազն այս շաբաթ նամակով դիմել է պետական գործընկերներին` ընդգծելով խնդրի լուծման կարեւորությունը:

«Սոցիալական ցանցերը դարձել են վախկոտների պալատ, որտեղ մարդիկ կարող են անանուն կերպով ոչնչացնել ուրիշների կյանքը եւ անպատիժ ասել ամենակեղտոտ եւ վիրավորական բաները»,- Կանբերայում լրագրողներին ասել է Մորիսոնը: «(Այս մարդիկ) պետք է բացահայտվեն, եւ այն ընկերությունները, որոնք չեն ցանկանում դա անել, չպետք է համարվեն հրատարակիչներ»,- հավելել է նա: