Մի ջղայնացրեք մեզ․ Ալիևը խոստացել է «կոշտ պատասխան տալ» Հայաստանին

«Ադրբեջանի նախագահ Իլհամ Ալիևը «կոչ է արել Հայաստանին հրաժարվել վրեժխնդրության փորձերից և խոստացել հակառակ դեպքում կոշտ պատասխան տալ»,֊գրում է Ինտերֆաքս գործակալությունը: Ալիևը Մատաղիսում Ադրբեջանի դրոշի բարձրացման արարողության ժամանակ անդրադարձել է Հայաստանին.

«Ես դիմում եմ նրանց, ովքեր Հայաստանում ապրում են վրեժխնդրության զգացումով։ Մտածեք ձեր մասին: Երկաթե բռունցքն այստեղ է, այն ոչ մի տեղ չի գնացել, այն դեռ այստեղ է: Մի՛ ջղայնացրեք մեզ։ Եթե ​​դուք ձեզ լավ պահեք, կկարողանաք ապրել խաղաղության մեջ: Եթե ​​ինչ-որ սադրանքի դիմեք, հայտարարություն կամ գործողություն անեք մեր դեմ, մենք ձեր գլուխը կկտրենք՝ առանց որևէ մեկին նայելու: Ոչ ոք չի կարող ձեզ պաշտպանել»: