Բայդենը եւ Մոդին կողմ են արտահայտվել ԱՄՆ-ի եւ Հնդկաստանի համագործակցությանը պաշտպանական արդյունաբերության ոլորտում
ԱՄՆ նախագահ Ջո Բայդենը եւ Հնդկաստանի վարչապետ Նարենդրա Մոդին Վաշինգտոնում կայացած հանդիպմանը պաշտպանական արդյունաբերության ոլորտում երկկողմ համագործակցության զարգացման կոչ են արել, ասվում է Սպիտակ տան հայտարարության մեջ:
Փաստաթղթում նշվում է, որ Միացյալ Նահանգների ղեկավարը «հաստատել է երկրների միջեւ հարաբերությունների ամրությունը պաշտպանական ոլորտում» եւ մտադրություն հայտնել «ամրապնդել համագործակցությունն առաջադեմ ռազմական տեխնոլոգիաների ոլորտում»:
«Առաջնորդները ողջունել են համագործակցության խորացումն արդյունաբերական նորագույն զարգացումների ոլորտում: Այս համատեքստում նրանք նշել են օդային տեղակայման անօդաչու թռչող սարքերի (ԱԹՍ) վերջին մշակումը պաշտպանական տեխնոլոգիաների եւ առեւտրի համատեղ նախաձեռնության շրջանակներում եւ կողմ են արտահայտվել նման համատեղ ջանքերի ստեղծմանը»,- ասվում է Սպիտակ տան հաղորդագրության մեջ: Երկրների առաջնորդները պետական գերատեսչություններին եւ մասնավոր ընկերություններին պաշտպանական ոլորտում «համատեղ զարգացման եւ համատեղ արտադրության» կոչ են արել:
Փաստաթղթում ընդգծվում է, որ ԱՄՆ-ն եւ Հնդկաստանը «համատեղ պայքարում են միջազգային ահաբեկչության դեմ եւ համաձայնեցված գործողություններ կձեռնարկեն բոլոր ահաբեկչական խմբերի դեմ»: Նրանք ողջունել են «այս տարվա վերջին» ԱՄՆ-ի եւ Հնդկաստանի պաշտպանության եւ արտաքին գործերի նախարարների հանդիպում անցկացնելու ծրագրերը: Ամերիկայի նախագահն ու Հնդկաստանի վարչապետը նաեւ կողմ են արտահայտվել երկրների միջեւ «ռազմավարական գործընկերության հարաբերությունների» զարգացմանը:
Հայտարարության մեջ նշվում է, որ ԱՄՆ-ն եւ Հնդկաստանը «կարագացնեն մաքուր էներգիայի զարգացումը եւ կարևորագույն տեխնոլոգիաների ներդրումը՝ մաքուր էներգիային անցումը հեշտացնելու համար»:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազամատակարարման վթարային դադարեցում Երևանի մի շարք հասցեներում
Խամենեիի գտնվելու վայրը գաղտնի է պահվում՝ անվտանգությունից ելնելով
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը