Իսրայելը մեղադրել է Իրանի նախագահին ստի եւ ցինիզմի մեջ
Իրանի նախագահ Իբրահիմ Ռայիսիի ելույթը Միավորված Ազգերի Կազմակերպության Գերագույն վեհաժողովում (ՄԱԿ ԳՎ) լի էր ստով ու ցինիզմով։ Այս մասին հայտարարել են Իսրայելի արտաքին գործերի նախարարությունում, տեղեկացնում է ՏԱՍՍ-ը։
Գերատեսչությունում Իրանի առաջնորդին մեղադրել են համաշխարհային առաջնորդներին միտումնավոր մոլորության մեջ գցելու, ահաբեկչությունը ֆինանսավորելու եւ տարածաշրջանում իրավիճակն ապակայունացնելու մեջ։ «Միջազգային հանրությունը պետք է դատապարտի իրանական ռեժիմը եւ կանխի այդ ծայրահեղականների ձեռքում միջուկային զենքի հայտնվելու ցանկացած հնարավորություն»,- ասված է հայտարարությունում։
Իսրայելի ԱԳՆ-ում ընդգծել են, որ Թեհրանի քաղաքական գիծն ուղղակիորեն սպառնում է Մերձավոր Արեւելքին եւ գլոբալ խաղաղությանը։ Դիվանագետների կարծիքով՝ Իրանի նոր կառավարությունը Ռայիսիի գլխավորությամբ ռեժիմի ծայրահեղական դեմքն է, ինչի պատճառով երկրի քաղաքացիները տառապում են ավելի քան 40 տարի։
Սեպտեմբերի 21-ին ՄԱԿ ԳՎ-ում իր ելույթի ընթացքում Իրանի նախագահը հույս է հայտնել, որ միջուկային գործարքի վերաբերյալ բանակցությունները կհանգեցնեն Թեհրանի հանդեպ պատժամիջոցները հանելուն։ Նա հավաստիացրել է, որ միջուկային զենքը տեղ չունի երկրի պաշտպանական դոկտրինում։ Ավելի ուշ Իրանի ԱԳՆ պաշտոնական ներկայացուցիչ Սայիդ Խաթիբզադեն ասել է, որ բանակցային գործընթացը Գործողությունների համատեղ եւ համապարփակ ծրագրին (ԳՀՀԾ) լիարժեք վերադառնալու վերաբերյալ կվերսկսվի Վիեննայում մի քանի շաբաթվա ընթացքում։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազամատակարարման վթարային դադարեցում Երևանի մի շարք հասցեներում
Խամենեիի գտնվելու վայրը գաղտնի է պահվում՝ անվտանգությունից ելնելով
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը