Ֆրանսիան ստորացրեց հոլանդացիներին
Հոլանդական ֆուտբոլի ճգնաժամը շարունակվում է: Հոլանդիայի հավաքականի սերնդափոխությունը տեղի ունեցավ սխալ ճանապարհով եւ դրա հետեւանքները շարունակում են զգացնել տալ:
Ֆուտբոլի աշխարհի առաջնության ընտրական փուլի հերթական տուրում A խմբում ընդգրկված Ֆրանսիայի հավաքականը սեփական դաշտում չորս անպատասխան գնդակ ուղարկեց նարնջագույնների դարպասը: Խաղին ներկա Ֆրանսիայում Հոլանդիայի դեսպանը չորրորդ գոլից հետո նյարդային ժպիտը դեմքին շնորհավորեց Ֆրանսիայի նախագահ Մակրոնին:
Ֆրանսիան ուներ բացահայտ առավելություն, իսկ գոլերը խփեցին Գրիզմանը, Լեմարը (երկու անգամ) եւ Մբապեն:
Այս խմբի մյուս երկու խաղերում եւս հետաքրքիր հաշիվներ արձանագրվեցին: Այսպես, բուլղարները ծանր պայքարում եւ սկզբունքային խաղում 3:2 հաշվով հաղթեցին շվեդներին, իսկ Լյուքսեմբուրգը 1:0 հաշվով հաղթեց Բելառուսին:
Խմբային մրցաշարի ավարտից երեք տուր առաջ Ֆրանսիան ունի 16, Շվեդիան՝ 13, Բուլղարիան՝ 12, իսկ Հոլանդիան՝ 10 միավոր:
B խմբում, որտեղ վաղուց արդեն պարզ է, որ առաջին տեղը զբաղեցնելու է կամ Շվեյցարիան կամ Պորտուգալիան, տեղի ունեցավ եւս երեք հանդիպում:
Հունգարիան 3:1 հաշվով հաղթեց Լատվիային, Պորտուգալիան 5:1 հաշվով հաղթեց Ֆարերներին, իսկ Շվեյցարիան երեք անպատասխան գնդակ ուղարկեց Անդորրայի դարպասը:
Շվեյցարիան ունի 21, իսկ Պորտուգալիան 18 միավոր: Այս խմբի ամենակարեւոր խաղը կայանալու է վերջին տուրում՝ հոկտեմբերի 10-ին, երբ Պորտուգալիան ընդունելու է Շվեյցարիայի հավաքականին:
H խմբում Բելգիան 9:0 հաղթեց Ջիբրալթարին, Կիպրոսը պարտվելով 2:0 այսուհանդերձ կարողացավ 3:2 հաշվով հաղթել Բոսնիա եւ Հերցեգովինային, իսկ Հունաստանը չկարողացավ հաղթել Էստոնիային՝ 0:0:
Յոթ տուրից հետո Բելգիան 19 միավորով առաջին տեղում է, Հունաստանն ունի 13, Բոսնիան՝ 11, իսկ Կիպրոսը 10 միավոր:
Top-News.am


















































ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ