Իրանը Քրդստանի անկախության հանրաքվեն սադրանք է համարում

ԻՐՆԱ գործակալությունը հղում անելով Իրանի ԱԳ նախարարությանը նշում է, որ ԱԳՆ պաշտոնական ներկայացուցիչ Բահրամ Քասեմին հայտարարել է, որ Իրաքի Քիրկուկ գավառի խորհրդի որոշումն անցկացնել անկախության հանրաքվե վտանգավոր է եւ սադրիչ:

Նա ասել է, որ Իրաքի Քուրդիստանը ճանաչված չէ ոչ Իրաքի իշխանությունների, ոչ տարածաշրջանային կազմակերպությունների, եւ ոչ էլ ՄԱԿ-ի կողմից:

Հիշեցնենք, որ երեքշաբթի օրը Իրաքի Քրդստանի խորհրդարանը որոշում է կայացրել մասնակցել անկախության հանրաքվեին:

«Նման որոշումը ոչ միայն չի նպաստում բանակցությունների շարունակմանը Քիրկուկի եւ Բաղդադի միջեւ, այլ վտանգի տակ է դնում Իրաքի ազգային ներուժը ահաբեկչության դեմ պայքարում»,- ավելացրել է Քասեմին:

«Իրանի Իսլամական Հանրապետությունը զգուշացնում է այս անընդունելի որոշման մասին, որը խաթարում է Իրաքի տարածքային ամբողջականությունը եւ ինքնիշխանությունը»,- հայտարարել է ԱԳՆ մամուլի խոսնակը:

Նա ավելացրել է, թե անթույլատրելի է որեւէ քայլ, որը տարածաշրջանում ճգնաժամային նոր օջախ կստեղծի:

Անկախության հանրաքվեի անցկացման մասին այս տարվա հունիսին հայտարարել է Իրաքի Քրդստանի ինքնավարության նախագահ Մասուդ Բարզանին: Նախատեսվում է այն անցկացնել սեպտեմբերի 25-ին:

Իրաքի, ինչպես նաեւ տարածաշրջանային այլ երկրներ հանդես են եկել այս հանրաքվեի անցկացման դեմ: Իրանում համոզված են, որ հանրաքվեին կհանգեցնի Իրաքի քրդերի մեկուսացմանը:

Top-News.am 

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում