Գերմանիա-Հայաստան 21:1

Գերմանիայի հավաքականից պարտվելն անպատվաբեր չէ, ամոթ է 6:0 հաշվով պարտվելը, անհասկանալի է Տարոն Ոսկանյանին անդադար հավաքական հրավիրելը եւ պաշտպանության կենտրոնը վստահելը: Մեր դարպասը խփած վեց գոլից հինգում նա ուներ ուղիղ մեղավորություն:

Հայաստանի հավաքականի հետ նույն՝ J խմբում ընդգրկված ռումինները 2:0 հաշվով հաղթեցին Լիխտենշտեյնին, իսկ Իսլանդիա-Հյուսիսային Մակեդոնիա հանդիպումն ավարտվեց 2:2 հաշվով:

Այս խմբում աղյուսակը հինգ խաղից հետո 12 միավորով գլխավորում է Գերմանիայի ընտրանին: Հայաստանի հավաքականը երկրորդն է՝ 10 միավորով: Ռումիններն ունեն ինը, իսկ հյուսիսմակեդոնացիները՝ 8 միավոր: 

B խմբում Կոսովոն հերթական անակնկալը մատուցեց՝ 1:1 ավարտելով հանդիպումը Հունաստանի հետ, իսկ իսպանացիները գերմանացիներից ավելի բարի գտնվեցին եւ մեր հարեւան վրացիներին հաղթեցին ոչ թե 6:0, այլ 4:0 հաշվով:

Իսպանիան հինգ խաղից հետո ունի 10 միավոր, իսկ շվեդներն ունեն 9 միավոր, բայց ընդամենը երեք խաղից հետո: 

C խմբում բուլղարները դժվարությամբ 1:0 հաշվով հաղթեցին լիտվացիներին, իսկ Շվեյցարիա-Իտալիա հանդիպումն ավարտվեց առանց գոլերի:

Հինգ խաղից հետո Եվրոպայի չեմպիոն իտալացիներն ունեն 11 միավոր, իսկ Շվեյցարիան ունի 7 միավոր, բայց 3 խաղից հետո: 

E խմբում Ուելսը Մինսկում կամային հաղթանակ տարավ Բելառուսի նկատմամբ 3:2 հաշվով: Բելգիան 3:0 հաշվով հաղթեց Չեխիային:

Բելգիան հինգ խաղից հետո 13 միավորով առաջինն է, իսկ երկրորդ տեղի համար համառ պայքար են մղում Չեխիայի եւ Ուելսի հավաքականները:

I խմբում Ալբանիան սկզբունքային պայքարում 1:0 հաշվով հաղթեց Հունգարիային: Անգլիան իսպանական գթասրտությամբ 4:0 հաշվով հաղթեց Անդորրային,. գերմանացիներին հասկացնելով, որ գթասրտության բացակայությունը ոչ մի լավ տեղ չի տանում: Իսկ ահա լեհերն իրենց արեւմտյան հարեւանների օրինակով վերցրին եւ անխղճաբար 7:1 հաշվով հաղթեցին Սան Մարինոյում, այն էլ այդ գաճաճ պետությունում: 

1 Անգլիա                              5 5 0 0 17 1  15
2 Լեհաստան                         5 3 1 1 18 7  10
3 Ալբանիա                            5 3 0 2 5 6     9
4 Հունգարիա                        5 2 1 2 10 9   7
5 Անդորրա                            5 1 0 4 3 12   3
6 Սան Մարինո                      5 0 0 5 1 19   0

Top-News.am