ԵՄ-ն թալիբների հետ երկխոսության հինգ չափանիշ է սահմանել

ԵՄ արտաքին գործերի եւ անվտանգության քաղաքականության հարցերով գերագույն հանձնակատար Ժոզեպ Բորելը հայտարարել է, որ Եվրոպական միությունը թալիբների հետ երկխոսություն զարգացնելու հինգ չափանիշ է սահմանել: Այս մասին նա հայտարարել է ԵՄ արտգործնախարարների հանդիպմանը կայացած մամուլի ասուլիսի ժամանակ, փոխանցում է ՏԱՍՍ-ը:

«Մենք քննարկեցինք Աֆղանստանի իշխանությունների հետ թալիբների իշխանության գալուց հետո երկխոսության ինտենսիվությունը որոշելու չափանիշները: Այս երկխոսության խորությունը կախված կլինի ռեժիմի պահվածքից»,- ասել է նա:

Մեթոդների շարքում են ահաբեկչության դեմ նոր իշխանությունների պայքարը, մարդու, հատկապես կանանց իրավունքները, ինչպես նաեւ բոլոր ցանկացողների համար երկրից մեկնելու հնարավորության երաշխիքները:

Ավելի վաղ Բորելն ասել էր, որ Եվրամիությունը համագործակցելու է թալիբների հետ՝ չճանաչելով այն քաղաքականապես` տեղի բնակչության համար աջակցություն ապահովելու համար:

Մինչ այդ քաղաքական գործիչը հայտարարել էր, որ ԵՄ-ն չպետք է թույլ տա, որպեսզի Ռուսաստանը եւ Չինաստանը վերահսկողություն ստանձնեն Աֆղանստանում տիրող իրավիճակի նկատմամբ եւ դառնան Քաբուլի հովանավորները: Նա նաեւ ընդգծել էր, որ Եվրամիությունը ճանաչում է թալիբների հաղթանակը, բայց` ոչ Աֆղանստանում նոր կառավարության օրինականությունը: