Ադրբեջանի խայտառակ պարտությունը Լյուքսեմբուրգում

Սեպտեմբերի 1-ին սկսվեցին Ֆուտբոլի աշխարհի առաջնության ընտրական փուլի չորրորդ տուրի հանդիպումները:

A խմբում Լյուքսեմբուրգի ընտրանին ընդունեց Ադրբեջանի հավաքականին: Գաճաճ պետության հավաքականը ադրբեջանցիներին պարտության մատնեց 2:1 հաշվով: Նույն խմբում Պորտուգալիան Ռոնալդուի երկու գոլերի շնորհիվ 2:1 հաշվով կամային հաղթանակ տարավ իռլանդացիների նկատմամբ: Միաժամանակ Ռոնալդուն խփելով հավաքականում 111-րդ գոլը ռեկորդ սահմանեց: Որեւէ ֆուտբոլիստ այդքան գոլ հավաքականի կազմում չի խփել եւ առաջիկայում հազիվ էլ խփի:

Պորտուգալիան 10 միավորով առաջինն է: Սերբիան ունի 7, իսկ Լյուքսեմբուրգը՝ 6 միավոր:

D խմբում փոքրիկ անակնկալ մատուցեցին ղազախները՝ սեփական դաշտում 2:2 հաշվով հանդիպումն Ուկրաինայի հետ: Ուկրաինան չորս խաղ է խաղացել, չորսն էլ ավարտել ոչ-ոքի: Մեծ անակնկալ մատուցեց Բոսնիա եւ հերցեգովինայի հավաքականը, որը Փարիզում 1:1 հաշվով ավարտեց հանդիպումը Ֆրանսիայի ընտրանու հետ:

1 Ֆրանսիա           4   8
2 Ուկրաինա          4   4
3 Ֆինլանդ             2   2
4 Բոսնիա եւ Հերց. 3   2
5 Ղազախստան     3   2

F խմբում կայացավ երեք խաղ: Դանիան 2:0 հաշվով հաղթեց Շոտլանդիային, Իսրայելը՝ 4:0 հաշվով՝ Ֆարերներին, իսկ Մոլդովան 2:0 հաշվով պարտվեց Ավստրիայից:

Դանիան հարյուր տոկոսանոց արդյունքով՝ 12 միավորով առաջինն է, իսկ Իսրայելն ու Ավստրիան 7-ական միավորով կիսում են երրորդ տեղը:

G խմբում Լատվիան դժվարությամբ 3:1 հաշվով հաղթեց Ջիբրալթարին: Նորվեգիան 1:1 խաղաց Նիդերլանդների Թագավորության հետ, իսկ Թուրքիան 2:2 հաշվով ավարտեց հանդիպումը Չեռնոգորիայի հետ:

Թուրքիան ունի 8 միավոր, իսկ Նիդերլանդները, Չեռնոգորիան եւ Նորվեգիան՝ 7-ական:

H խմբում Մալթան 3:0 հաշվով հաղթեց Կիպրոսին, խորվաթները Մոսկվայում 0:0 հաշվով ավարտեցին հանդիպումը ռուսների հետ, իսկ Սլովենիա-Սլովակիա հանդիպումն ավարտվեց 1:1 հաշվով: 

Խորվաթիան եւ Ռուսաստանն ունեն յոթական, իսկ Սլովենիան՝ 6 միավոր:

Top-News.am