Դիեգո Սիմեոնե. Մեր լավագույն խաղերից էր վերջին շրջանում

Մադրիդի «Աթլետիկոյի» գլխավոր մարզիչ Դիեգո Սիմեոնեն մեկնաբանել է «Վիլյառեալի» հետ մարտական ոչ ոքին (2:2) Իսպանիայի առաջնության երրորդ տուրի խաղում: Իսպանիայի չեմպիոնը տնային խաղում պարտությունից խուսափել էր ավելացված ժամանակի 5-րդ րոպեին խփած գոլի շնորհիվ:

«Գոհ եմ, որ մենք չպարտվեցինք: Կարծում եմ՝ ամեն բան լավ արեցինք, հատկապես՝ առաջին խաղակեսում: Սա մեր լավագույն խաղերից մեկն էր վերջին շրջանում: Ցուցադրեցինք լավ պրեսինգ: Երկրորդ խաղակեսում շատ տխրեցինք բաց թողած գոլի պատճառով, քանի որ ինքներս կարող էինք առաջ անցնել հաշվի մեջ»,- արգենտինացի մասնագետի խոսքը փոխանցում է Marca-ն:

Երրորդ տուրից հետո «Աթլետիկոն» ունի 7 միավոր և 6 առաջատարների թվում է: