Նոյերը գերազանցել է Օլիվեր Կանի ռեկորդը

Մյունխենի «Բավարիայի» դարպասապահ Մանուել Նոյերը, Բեռլինի «Հերտայի» դեմ ֆուտբոլի Գերմանիայի առաջնության երրորդ տուրի խաղում (5:0) անառիկ պահելով դարպասը, «չոր» հանդիպումների ռեկորդ է սահմանել Բունդեսլիգայում, հաղորդում է Bayern& Germany-ն:

Դա 35-ամյա գերմանացու 205-րդ առանց գոլ բաց թողնելու խաղն էր Գերմանիայի առաջնությունում: Այդ ցուցանիշով նախորդ ռեկորդակիրն էր «Բավարիայի» լեգենդար դարպասապահ, այժմ մյունխենյան ակումբի գլխավոր տնօրենի պաշտոնը զբաղեցնող Օլիվեր Կանը, որը Բունդեսլիգայում անցկացրել է 204 «չոր» հանդիպում:

Մանուել Նոյերը 2011 թվականից է հանդես գալիս «Բավարիայում»: Դրանից առաջ նա խաղացել է նաև Գելզենկիրխենի «Շալկեում»: