Անթույլատրելի է գայլերի եւ աղվեսների անվերահսկելի հրազենային որսը
Անթույլատրելի է գայլերի եւ աղվեսների անվերահսկելի հրազենային որսը: Նման տեսակետ հայտնեց Վայրի բնության կովկասյան ապաստարանի համակարգող Մանուկ Մանուկյանը՝ NEWS.am-ի խնդրանքով մեկնաբանելով Հայաստանում գայլերի եւ աղվեսների անվերահսկելի հրազենային որսը:
«Ես դեմ անվերահսկելի հրազենային որսին: Առաջին հերթին անհրաժեշտ է ըստ տարածքների՝ գայլերի թվաքանակի մոնիթորինգ կատարել: Միայն հետո մասնագետները կորոշեն՝ կարելի է նրանց վրա կրակել, թե ոչ»,- նշեց Մանուկյանը:
Նրա խոսքով՝ եւս մեկ հանգամանք կա, որը որոշում ընդունելիս հաշվի չի առնվել: «Գայլերը ոհմակներով են ապրում: Ամեն մի ոհմակում ալֆա էգ կա եւ ալֆա արու: Ամեն տարի, կախված կերային բազայից, ալֆա էգը լույս աշխարհ է բերում 1-2 եւ ավելի ձագերի: Բազմանում է միայն ալֆա էգը, իսկ ոհմակի մյուս էգերը՝ ոչ: Եվ ահա, երբ հրազենային որսի թույլտվություն է տրվում, այս ամենը հաշվի չի առնվում: Եթե պատահաբար սպանեն գերիշխող արուին կամ էգին, այդ տարի բոլոր էգերը կբազմանան: Այսինքն՝ ստացվում ցանկալիի հակադարձ արդյունքը: Ճիշտ այդպես մենակության մեջ մնացած գայլը իրենից մեծ վտանգ է ներկայացնում, քան ոհմակի առաջնորդի կողմից վերհսկվելու դեպքում»,- նշեց ապաստարանի համակարգողը:
Աղվեսների հրազենային որսը նույնպես հնարավոր է բացառապես մոնիթորինգի պայմաններում: «Կարծում եմ՝ հիմա Հայաստանում չկա որեւէ կենդանին, որոնց կարելի է այդպես անվերահսկելիորեն սպանել»,- ընդգծեց Մանուկյանը: Նա այս կապակցությամբ հիշեցրեց, որ աղվեսները կրծողներին են ոչնչացնում: Սննդային շղթայում մի օղակը թուլացնելով՝ մարդը ապահավասարակշռություն է առաջացնում: Մարդը կրծողների դեմ կսկսի պայքարել քիմիական նյութերով: Նման կրծողին կարող է ուտել գիշատիչ թռչունը: Սա վիթխարի վնաս է պատճառում, որն անդրադառնում է նաեւ մարդու վրա:
Մեկնաբանելով գյուղաբնակների պարբերական պնդումները ոչխարների վրա գայլերի հարձակումների մասին՝ Մանուկյանը կարծիք հայտնեց, որ գյուղերի եւ հոտի վրա գայլերի հարձակումներն ավելի շուտ կապված են վերեւում նկարագրված սխեմայի հետ, երբ սպանվել է առաջնորդը, իսկ ոհմակը ցրվել է:


















































ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ