Կոնֆերենցիաների լիգա. Տիգրան Բարսեղյանի դուբլը, «Աստանայի» պարտությունը

ՈւԵՖԱ-ի Կոնֆերենցիաների լիգայի որակավորման երրորդ փուլի պատասխան խաղում ղազախական «Աստանան» ընդունեց Ֆինլանդիայի «ԿուՊՍ»-ին եւ պարտություն կրեց 3։4 հաշվով՝ լքելով պայքարը։

Դաշտի տերերի կազմում դուբլի հեղինակ դարձավ Հայաստանի հավաքականի հարձակվող Տիգրան Բարսեղյանը։ Հյուրերից հեթ-տրիկով աչքի ընկավ ընդմիջմանը փոխարինման դուրս եկած բրազիլացի հարձակվող Ռանժելը։ «ԿուՊՍ»-ի հաղթական գոլը խփեց լատվիացի կիսապաշտպան Յանիս Իկաունեկսը։

Թիմերի առաջին խաղում գրանցվել էր ոչ ոքի՝ 1։1։

«ԿուՊՍ»-ի մրցակիցը որակավորման փլեյ-օֆֆում կլինի գերմանական «Ունիոն Բեռլինը»։

Կոնֆերենցիաների լիգա, որակավորման երրորդ փուլ, պատասխան խաղ

«Աստանա» (Ղազախստան) - «ԿուՊՍ» (Ֆինլանդիա)՝ 3։4 (առաջին խաղ՝ 1։1)

Տիգրան Բարսեղյան, 4, 58, Աբատ Այմբետով, 41 - Ռանժել, 53, 61, 74, Յանիս Իկաունեկս, 77